ويبقى .. الأمل

وبرغم كل مصاعب الحياة وألامها .. وأهاتها .. وأهوالها .. وجراحها .. فى مصرنا المحرومة

يبقى الأمل .. كالباب الأبيض المفتوح فى نهاية الممر الأسود الضيق

كالنسمة التى تهب على وجهك بعد عناء نهار طويل شديد الحرارة

الأمل ..

هو الذى يمنحنا الدفء لننطلق .. هو الذى يقوى أجنحة الحب ويساعدها على التحليق وسط سحب وغيوم الحياة

هو الذى لا تخبو نيرانه فى النفوس المطمئنة .. أبدا

الذى يمنح الضحكة الصافية للأرواح العطشى والجوعى لفرحة.. فرحة تعين القلوب وتقويها فى مواجهة المعارك اليومية

والأمل عكس الألم

والذى لا أمل له يفضل الانتحار

وكل من انتحر اختفت من حياته نسائم الأمل

الأمل .. هو الفكرة التى عاش بها الشاعر أمل دنقل .. صاحب افضل قصيدة عربية فى القرن العشرين

قصيدة لا تصالح .. هذا الأمل دنقل كافح السرطان لسنوات وسنوات .. بابتسامة لا تيأس

وبأمل لا يموت

الأمل

هو المعنى الذى عبرت به قواتنا الباسلة كل موانع اليأس النفسية قبل أن تعبر كل موانع بارليف الرملية فى حرب العاشر من رمضان

هو الرمز الذى جعل شبابا فى عمر الزهور يزحفون زحفا نحو ميدان عابدين تحت اسم كفاية وستة ابريل فى وقفة ضد التوريث ليواجهوا حشودا

غير مسبوقة من الأمن المركزى وهم يدركوا تمام الادارك ان عظامهم وعضلاتهم لن تكون ابدا بمثل هذه القوة والكفاءة بعد دقائق قليلة

من المواجهة غير المتكافئة بينهم وبين جحافل الامن المركزى المدججة بالسلاح

ولكنهم لم يخافوا .. ولم تهتز فى سواعدهم .. شعرة

لانهم يملكوا الرمز الذى يلتفون حوله

وهذا الرمز .. هو الأمل ..

الأمل فى غد أفضل

غد تشرق فيه شمس الحرية

غد تغنى فيه الطيور من اعماقها .. وهى مطمئنة

الأمل

هو الدافع الوحيد الذى يدفع صديقى لمواصلة عشقه لحبيبته برغم ان كل الطرق والمنحنيات تؤدى الى شىء واحد .. الفراق

والفراق فقط

الأمل

هو نفس الشىء الذى دفع حبيبة صديقى هذا للرقص والتمايل على ايقاع راقص محموم برغم رفض أهلها لحبيب الطفولة والشباب الذى لا تعرف رجلا يحبها أكثر منه .. ولم ترى معنى للرجولة والامان الى معه .. الأمل وحده .. هو الذى جعلها ترقص وترقص برغم انهم رفضوه لمجرد انه مستورا وليس ميسورا ووافقوا على شاب اقل اخلاقا وثقافة لمجرد انه اغنى

هو

الهواء والدواء الذى يثلج الصدور فى وقت التهب فيه كل شىء موجود على سطح مصر

فالبلد كلها تتقلب على صفيح ساخن

بلد توفرت فيه كل أسباب الانفجار

بلد يعمل فيه الفساد عمل القانون

الفساد الذى يبدأ بالموظفين الصغار وينتهى برئيس الجمهورية

فى دولة اغتصبها ابناءها قبل أن يتركوها فريسة واهنة للأعداء

ولكن .. الدولة الباسلة .. برغم هذا تأبى أن تأكل بثدييها وتقف شامخة على قدميها

بفعل الأمل

والأمل وحده ...

on Friday, September 24, 2010 at 7:45am

الى المحجبات الجدد . دى مش حرية ولا ده حجاب

فى القرنين ال خمستاشر وال ستاشر الميلاديين كان الجهل والتخلف هو صفة شعوب الارض وكانت الكنيسة افضل من استغل هذا التخلف واصبحت هى المتحكمة فى البشر وأقنعتهم بأن القسيس هو رسول الله فى الارض ومن يغضبه لن يدخل الجنة لذلك كان القساوسة والكنيسة يستعبدون العامة فى مقابل ان يرضوا عنهم ومرت الكنيسة فى ذلك الوقت بضائقة مالية صعبة فاخترعت شيئا جديدا تجنى كنوزا من وراءه وهو صكوك الغفران . قطع من الجلود والاخشاب لابد ان تشتريها حتى تدخل الجنة . فافعل ما تشتهى من المعاصى والخطايا واشتر ف النهاية بضعة صكوك غفران لكى تحجز مقعدك فى الجنة ..

مش عارف ليه افتكرت موضوع صكوك الغفران ده وانا ببحلق فى الحجاب الاستايل بتاع الايام دى

يعنى بقى الطبيعى اوى تلاقى بنت لابسة بنطلون ضيق اوى وبلوزة مجسمة هتتفرتك عليها وف نفس الوقت محجبة . يعنى شكلها متدين وراضية ربنا ولابسة الحجاب ومقضية فريضته وفى نفس الوقت عايشة وبتلبس الموضة المفتوحة زى البنات اللى مش محجبة

وجهة نظر تقولك .. ان الحجاب الميكس ده اتولد من القرف اللى البنات عايشينه بسبب الولاد .. البنات مش عارفة تعجب الولاد ازاى

لبسوا واسع وبقوا خيم ماشية .. محدش بصلهم .. وقالولهم ان الولاد دلوقتى لما يجو يختاروا بنت فى زحمة البنات دى بيبقوا مهووسين اكتر بالبنات اللى بيبنوا جسمهم ورشاقته وجمال تفاصيله

..

لبسوا فرى وشالوا الحجاب .. محدش عبرهم .. وقالولهم ان الولاد مش هيبصولكو بصة بجد دول بيتفرجوا عليكو بس لان الولد لما بيتجوز بينقى المحتشمة

طب نعمل ايه كبنات عشان نعجب الولاد ؟؟

من هنا جت الخلطة السحرية

وولا سحر ولا شعوذة وصلى ع النبى فى قلبك يا مؤمن

قالك ايه .. قالك ااه .. قالك الاتنين فى واحد .. الاحتشام والاستايل

!!!!!!!!!!!!!!

الكلام ف الموضوع ده مش حصة دين ولا درس اخلاق بس مادام بنتكلم عن رمز دينى الا وهو الحجاب فلازم نعرف انه مش لعبة وان ليه شروط .. مختصرة فى ان لبس البنت المحجبة لازم يبقى .. لا يصف ولا يشف الجسم

انما الحجاب بالمنظر اللى احنا شايفينه ده .. حجاب عايز حجاب

حد يعرف ايه المغزى من الحجاب ؟

الحجاب معمول عشان يغطى الشعر لانه مثير وملفت فمنعا للفتنة لازم يتغطى حتى لو كان الشعر مش حلو وتأثير اثارته قليل

فيعنى مش معقول نغطى اقل حاجة مثيرة

ومن تحت الحجاب نبين الاثارة بتفاصيلها ... اى منطق ده ؟

عندى هاجس بسيط

طالما انتى خدتى قرار فى حياتك يبقى لازم تبقى مقتنعة بيه وقد مسئوليته

ياكده يا متخديش القرار من اساسه .. لانه فيه قرارات متقبلش العك وشايف الحجاب من فوق ومفيش اى حجاب من تحت زى بالظبط اما تنزل الشارع وانت لابس قميص كلاسيك على بنطلون بيجامة

!!!!

البنت المحجبة طالما اتحجبت تبقى أمنت انه فريضة فلازم تعامله معاملة فروضها التانية .. مينفعش نتوضى من غير ما نغسل وشنا .. مينفعش نصلى من غير ما نسجد ماينفعش أغطى شعرى بحجاب ولبسى كله متناقض مع الحجاب

ولو حنتكلم بالحق فيه بنات محجبات لبسهم مقزز ومقرف ومش مدى على حجاب خالص وفيه بنات تانية كتير مش محجبات لبسهم مش محترم بكتير عن المحجبات ..

يعنى بنت لابسة هدوم واسعة ساتراها ومغطياها ومش مدية ع أى اثارة بس مش لابسة ايشارب وبشعرها

ولا بنت لابسة ايشارب على دماغها ومن تحت البنطلون ضيق مش عارفين حتى كتابة هذه السطور هو بيدخل فى رجليها ازاى

ومن فوق

لابسة بادى مجسم جدا مكانه اوض النوم مش الشارع خالص ؟؟؟

ولا المحجبة اللى لابسة جيبة قصيرة ورجليها باينة

ولا المحجبة اللى لابسة جيبة قصيرة ومن تحت شراب او كارينا

ولا المحجبة اللى لابسة عباية محزقة أسوأ من اى بادى او كارينا

أنهو اكتر احترام اللى بشعرها و لابسة واسع وفضفاض ولا نماذج المحجبات اللى فوق دول

!!!!!!!!!!

نظرية نص العما ولا العما كله وحاجة احسن من مفيش دى نظرية فاشلة جدا مع الحجاب الاستايل

الحجاب يا حجاب يا بلاش

وممكن تعتبروها دعوة منى لخلع الحجاب على فكرة اذا كان حيبقى ستايل ويادوب حتة اكسسوار زيادة وحاتفضل البنت تشوهه وتشوه صورته بلبسها ف المصايف طقم استرتش عليه او برمودا وتسميه مايوه شرعى ومايوه عرفى

سامع بنت هنا ممكن تقول .. انا حـــــرة

ابسط مفهوم عن الحرية الشخصية هو انك حر ما لم تضر يعنى حريتك بتقف عند حدود حرية الاخرين .. يعنى اعمل اللى انت عايزه طول مانت مش مضايق حد او مسبب ضرر لحد

والحرية الشخصية معناها .. اللبس واسع وفضفاض .. بس اللى انا اقصده هنا حريتنا اول ما ننزل من بيتنا .. لان الشارع ده لينا كلنا .. زى ما ليك حق فيه انا ليا نفس الحق.. لوانتى فى بيتك البسى اللى انت عايزاه محدش ليه عندك حاجة بس مادام نزلتى الشارع ماتتعديش حدود حريتك عشان مفيش حد تانى يعدى حدود حريته

ومدام كل واحد حر يلبس اللى هو عايزه يبقى التانى حر يعمل بقى اللى هو عايزه .. وكده مبقتش حرية

دى بقت فوضى

وعليه حريتك فى اللبس بتقف عند حدود باب بيتك

ولما تعدى باب البيت وتنزلى الشارع وسط الناس

لبسك الضيق مينفعش يتقال عليه حرية

لانك بلبسك ده .. بتأذى ناس تانيين

---

منقول بتصرف من كتاب .. بلد متعلم عليها .. ل مصطفى شهيب

الطبعة الرابعة

--

أرجو من الشباب ابداء رأيهم بكل تحضر ورقى بشأن مظهر البنت التى ترتدى الحجاب الاستايل

أرجو من البنات ابداء رأيهن لعل وعسى يكون هناك وجهة نظر لا نراها فى السياق

الرد وتبادل الحوار البناء أفضل من دفن رؤوسكن فى الرمال وعدم الرد

on Sunday, December 12, 2010 at 12:05am

خدعوك فقالوا .. أجريوم .. السيد البدوى .. أم درمان

خدعوك فقالوا ...





انتصر الدمايطة اخيرا , وارادة الشعب الدمياطى تفوقت وهزمت التعنت الحكومى وأزاحت
مشروع أجريوم السام للأبد

فى الواقع لم يتحرك الشعب الدمياطى تحديدا ولكن رجال الاعمال الذين يملكون اراضى ومشاريع مستقبلية فى هذه المنطقة هم الذين قاموا بطبع اللافتات الكبيرة فى
كل شارع وكل حتة
ونشروا بعلاقاتهم ونفوذهم خطر المشروع - خطر حقيقى - فى الصحف ووسائل الاعلام

لكن لا يوجد اى تحرك منهم لله وللوطن
ولكن للمصالح الشخصية

وقاموا باستغلال الشعب الدمياطى وحشده فى سبيل ازالة المشروع من المنطقة المحددة حفاظا على احلامهم هم ومستقبلهم هم وليس مستقبل وصحة الدمايطة

والمضحك المبكى
ان هناك مسئولين كبار بالمحافظة قد وافقوا ومضوا على المشروع فى مكانه وأخذوا رشاوى كندية للسماح ببنائه فى هذه المنطقة

ولكن رجال الاعمال الدمياطة قاموا بدفع رشاوى أخرى واغرائهم لتغيير مواقفهم كى يكونوا فى المعسكر الوطنى المناهض للمشروع اما بالنسة للامضاءات السابقة فبالطبع قال هؤلاء المسئولين .. انها ليست امضاءاتهم وأن أوغاد قاموا بتزويرها

وعندما نقل المصنع اجريوم الى ارض المصنع موبكو

هدأت العاصفة وسكت زئير رجال الاعمال وقالوا زورا وبهتانا
ان المصنع قد أزيل وأن ارادة الدمايطة قد انتصرت

واحنا اللى نقلنا المصنع

-----------------------------------------------------------


خدعوك فقالوا ..



السيد البدوى مناضل وفدى جديد على خطى سعد زغلول والنحاس

اذا كان المتحدث مجنون فالمستمع عاقل

ولو ان الرجل يعمل لله وللوطن فلن يتركه النظام الحاكم ابدا

ولن يترك مجموعة قنوات الحياة التى يملكها الرجل تواصل بثها دقيقة أخرى

لا أراه سوى عميل حكومى بوجه بشوش يضم مشاهير المجتمع لحزب الوفد ليبرهن للناس انه

حزب جديد بدماء جديدة وسيكون منافس قوى فى انتخابات الرئاسة القادمة


وهذا البدوى صناعة حكومية بحتة ومنافس وهمى كى يقابل شعبية البرادعى ومجرد عميل اخر فى صورة معارض

وضعوه فى هذا المكان وفى هذا الوقت لكى يضعوا نواب وفديين فى مجلس الشعب القادم ويقولوا انهم معارضة وفدية

ويمسحوا تواجد الاخوان والمعارضين الحقيقيين بأستيكة
بجانب ايجاد شخصية موازية للبرادعى تحت مظلة حزب عريق كحزب الوفد

والعجيب والغريب ان الناس تصدق

والله يا سادة لو كان همه الوطن وتقدمه

لخلعوه من الحزب وخلعوا قنواته من الفضائيات

ولم نسمع يوما عن هذا البدوى

وأقتبس قول ابراهيم عيسى ..

*مجرد أمناء شرطة على درجة رؤساء أحزاب *


--------------------------------------------------------



خدعوك فقالوا



المنتخب المصرى لم يهزم فى ام درمان

بل انتصرت بلطجة الجزائر والسيوف والمسجلين خطر

طيب

كلنا رأى ابراهيم حجازى بعد المباراة وكلنا سهر حتى الصباح الباكر

وكلنا رأى تصوير الشعب الجزائرى على انه شعب صهيونى جديد لا قلب له ولا ملة

ولكن لم يرى احدنا اى جثث قادمة من السودان ولم يرى احدنا اى واحد قد اصيب بأى علة او

عاهة ولم نرى فيديوهات تكسير لاتوبيسات كما حدث لاتوبيس لاعبى الجزائر بالقاهرة

ولم نرى اتوبيس مشجعين مصريين يحترق كما حدث مع أتوبيس مشجعى منتخب الجزائر فى المباراة الاولى بالقاهرة

لم نرى سوى السيدة ميسرة بعيون دامعة تردد بلهجة تمزق شغاف القلب انهم قد أشاروا لها

اشارات بذيئة بأصابعهم

ولم نرى سوى السيد علاء مبارك وهو يقول ان الجمهور الجزائرى قد شتمه وسبه

الهمج

كان يجب عليهم ان يقفوا على اصابع أرجلهم ويهتفوا

زى ما قال الريس .. منتخب مصر كويس

كل ماهنالك ان الاعلام المرئى والمكتوب قد أخذ اوامر عليا بتصعيد الاحداث وتسخينها لالهاء الشعب بمشروع قومى جديد وهو الصعود لكأس العالم ولا مانع من شتم الجزائر وسبها لاعادة احساس الريادة والزعامة للمصريين حتى ولو كان الاحساس وهميا .. فى لعبة كرة القدم

وعندما حدثت الطامة ولم نصعد وخذلنا لاعبونا وتفوقت الجزائر

وجدوا مبرر اخر وذريعة اخرى كى يفلت النظام من سخط الشعب وغضبه

أذاعوا ونشروا فى نفس الاعلام المرئى والمكتوب أننا

لم ننهزم الا بالبلطجة والشغب

كل ماحدث فى ام درمان بعد المباراة ليس الا اعتداء على اثنين من بين خمسين اتوبيسا مصريا واعتداءات ليست ابدا ببشاعة اعتداءات المصريين على اتوبيسات الجزائر التى قالوا زورا وبهتانا

ان لاعبى الجزائر هم من قاموا بتكسيرها من الداخل

وليست ابدا ببشاعة حرق الجمهور المصرى لاتوبيس مشجعين لمنتخب الجزائر

والدليل على صدق كلامى عقوبات الفيفا على مصر
وليست الجزائر

ووضع راوراوة وسمير زاهر حاليا




....

...

..



أرجو من الجميع عدم تصديق كل مايقال وكل ما ينشر وكل مايذاع

واعمال العقل فى كل ما يطرح علينا

لان الجميع فى مصر يخدعك ويقول

ونحن نصدق أى قول يطرح بطريقة عاطفية

لأننا شعب عاطفى لا يعمل عقله ابدا



Wednesday, July 7, 2010 at 8:51pm