(((----- تـــــتـــر النــهــايــة -----)))
يهبط ببطء على القصة الجميلة
تتر النهاية
يسدل الستار على عيوننا العاشقة
وعلى قلوبنا النافقة
انتهت فصول الرواية
تتر النهاية
يمحى من الوجود اسطورتنا الحالمة
ويغلق الباب على اصابعنا الناعمة
وبحزم يصيح ...انتهت الحكاية
البداية كانت كعادة البدايات
جميلة متفاءلة وتواعدنا بالساعات
وقفت الاشجار تنصت الى الكلمات
وكأنما تريد ان تنهى وقفتها الخالدة
لتجلس معنا وتشاركنا للنهاية
كانت حكاية سعيدة فى اول الايام
غنينا الاغانى الطوية معا
بانسجام
سهرنا ليالى الصيف لا نكل او نمل
او ننام
كم اشتاق ان اعود لاى لحظة
فى صبايا
والاحداث فى السيناريو من الحياة
وقد نهلنا من الحب الى منتهاه
حتى ظننا ان الحب كالمياه
لا ينقطع او ينتهى وفقدنا الانتباه
وما اقصاها معاناه
فقد راى الحب الكثير
حتى سقط من الطابق الاخير
وسط ذهول كل من كان بالبناية
وفى حادث مأساوى
تم اغتيال الأمل
و..اهتزت الارض تحت قدم المؤلف
ولم يحسن المخرج العمل
ولم يبذل جهدا او يكلف
وتسرع وطرد البطل
واعلن بصوته الشرير
ان عقد المأساة قد اكتمل
و كتب على تتر حياتنا المرير
كلمة .... النهاية
هناك 7 تعليقات:
بجد القصيدة روعة وكأنها بتوصف حالتي اللي عايشاها دلوقتي وبالخصوص عنوانها جميل جدآ "تتر النهاية" وهو نهايتي مع أعز صديقة ليا في الدنيا كلها عرفتها من سنة أولي كلية لحد سنة رابعة بس كنت بعدت عنها فترة في إحدي السنوات لسبب ما بس بجد أنا دلوقتي مش عارفة هعيش من غيرها إزاي أنا دايمآ كده كل ما بقرب لحد وفعلآ أتعلق بيه لازم أفرقه سواء كان أي نوع من أنواع الفراق كنت فعلآ بدأت أتعلق بأخويا وكنا تؤام وبدأ يغرفني كل جاجة عن حياته وكنا فعلآ بدأت أحس أنه مش أخويا بس لا ده صاحبي وأخويا ولان كل حاجة ليا في الدنيا بس للأسف بعد ما مات في حادثة حسيت أن كل حاجة بقت سودا قدامي وكنت دايمآ أدعي وانا بصلي أني أموت بعده علطول مع أني عارفة أن ده حرام بس كان كل ده غصب عني زبنا يرحمه أنا منظره بعد الحادثه بجد مش بيروح من بالي وكان قريبنا كلهم يقولوا أنه معتبرني أنا والدته علي الرغم أن لينا أخوات بنات أكبر مننا وأحنا كنا تؤام بس كان بالنسبالي كل حاجة وانا بالنسباله كل حاجة وكانت النهاية الفراق ودلوقتي بعد ما عرفت أحن صديقة في الدنيا الوحيدة اللي بدأت أحكيلها عن كل حاجة جوايا زي ماكنت بأحكي لأحمد برده بعد كام يوم وهفرقها أنا مش قادرة أكمل في الدنيا الغدارة دي وبجد أنا بتمنا الموت لأنه أنسب حاجة ليا أصعب حاجة في الدنيا هو الفرااااااق .
معلش يامحمد أنا كل مرة بطول عليك بس فعلآ أنا موجوعة من جوايا وحاسة أن الللام ريحني شوية . بجد ربنا يوفقك وبالمناسبة ألف مبروك علي الجايزة اللي أخدتها في الحفلة أنا مش عارفة الجايزة بخصوص أيه بس أنت بجد تستاهل كل خير ربنا يوفقك لده دايمآ يامحمد .
أخويا العزيز الأديب
دايما بتقولي ان انتا متستحقش عبارات الثناء اللي بقولهالك كل مرة اقرالك فيها حاجة جديدة
بس انا بقا اللي بجد المرة دي مش لاقية اي عبارة ثناء ولا أي كلام يعبر عن انبهاري بالخاطرة دي
بجد انا لما قرأتها (واعذرني لسة شايفاها النهاردة بس انتا عارف المذاكرة وانشغالنا بيها)لما قرأتها بجد
انبهرت بيها لدرجة ان انا اتصلت بجيوكندة وقرأتها ليها في التليفون وبجد هية كمان بتشكرك جدا عليها
حقيقي لازم تصدقني لما أقولك ان أي حاجة فاتت انتا كتبتها شيء والخاطرة دي شيء تاني خالص ..تقدر تعتبرها ملكة متوجة علي عرش كل كتاباتك السابقة
برغم ان كالعادة هية خاطرة حزينة بس بردة انتا أحسن حد بقرأ ليه خواطر حزينة..بالعكس انا اعتقد ان انتا انسان سعيد جدا ومحظوظ ان ربنا
انعم عليك بنعمة التعبير عن حزنك وتجسيده في كلمات رائعة وجمل معبرة
وزي عادتي تعليقاتي طويلة واكيد بتقول عليا رغاية
بس انتا طبعا مفيش قدامك غير انك تستحملني...
ربنا يوفقك يا أعظم أديب..ومتقولش ان انك مش أديب ولا انك لسة بتحاول
صدقني انتا في القمة بس انتا اللي مش مقدر قيمة وقدر نفسك وفنك الراقي
واسمحلي اهنيك انا كمان بشهادة التقدير اللي أخدتها في الحفلة انتا أكيد تستاهل التكريم واكتر
ولو ان انا ملاحظة ان نشاط الأسرة السنة دي بطيء أو في حالة ركود مش عارفة ليه..بس اكيد دة بيرجع للنظام الاداري في الكلية وتعقيداته.. صح؟؟؟؟؟؟؟
عموما الحاجات اللي انتا عملتها في الأسرة السنة دي بردة مجهود مشكور منك جدااا ورائع..
وأخيرا أقولك
أحلي سلاااااااااااااام
الغير معرف
اولا اسف ع التأخير فى الرد
ثانيا
الفراق مش اصعب حاجة فى الدنيا
ياريت هم الدنيا هم الفراق
انتى بس عشان ده اصعب حاجة واجهتيها فبتفتكرى ان ده اصعب حاجة فى الدنيا
ويمكن عشان اللى فارقتيه توأمك
فالعملية صعبة شوية عندك
ربنا يصبرك
وما يوريكى شر ابدا
وبخصوص الجايزة فدى جايزة احسن اسرة
الف الف شكر لتعليقك الجميل
ويارب ايامك كلها افراح
بنت دمياط
ازيك يا جميلة
نا مبذلتش مجهود يذكر فى الاسرة السنادى
لانى اتخنقت من النظام والروتين والبيروقراطية
وكانت كل انشطتى رحلات عملت بتاع سبع رحلات
يعنى النشاط اللى بتعب فى موافقاته كان نشاط ترفيهى
والرحلات دى كان فيها اجمل ذكريات حياتى
بجد ايام لا تنسى
بخصوص جيوكندة فليها كل الشكر والتقدير
وبخصوص حكاية انى موهوب
فنا مجرد انسان بيكتب اللى بيحسه
ولو عندى قدر من الموهبة فهو قدر ضئيل اتمنى انى اقدر ازوده واكبره بالقراية الكتيرة
انتى دايما بتشجعينى وبتشدى من أرزى
وده شى ء لو تعلمين عظيم
لكى جزيل الشكر بجد يا جميلة على تعليقك الجميل بخصوص القصيدة
واسف جدا جدا ع التأخير فى الرد
بجد راااائعة يا محمد من فترة طويلة ما كنتش قرأت ليك حاجة بس بجد حلوة قوى وكلماتها لمستنى جدا
وممكن طلب صغبر بلاش تشاؤم الحياة حلوة واللى جاى احسن ان شاء الله وخلى أملك فى ربنا كبير....تحياتى
سولـــــــــــــــــــــى
ازيك يامحمد ..ايه يا أديب
هوة انتا كنت قاصد بموضوع تتر النهاية
دا فعلا انو يكون تتر نهاية المدونة وآخر موضوعاتها
ليه مبقاش ليك موضوعات جديدة عالمدونة
بجد احنا كنا بننتظر منك كل جديد بفارغ الصبر
يارب يكون غيابك لخير وأتمني بجد انك ترجع تمتعنا بفنك الراقي وكمان تطمنا عليك في أقرب وقت ممكن
أحلي سلام
يااااه حلوه اوي
حلو اوي تشبيهات المعانى الحسيه دي
بس اعتقد انه مفيش نهايه لاي حلم الا اذا التقطنا انفاسنا الاخيره
احلم وعيش ع الامل ... قاوم العقبات واللحظات اليأس
اكيد بتسمع عمرو خالد
يبقى تعرف اللي قلته ده
سلمت افكارك:)
إرسال تعليق