الحاجات
اللى سبتها فى يوم
تموت
عمرها ما هترجع
تعيش
ولا هتقدر تانى
تنام مرتاح
او مبسوط
لأن القلوب اللى جرحتها
ببرود
بسلبية
بجحود
عمرها ما هتنسى الألم
ولا دور الضحية
هتفتكرك بالشر
فى الكلام
و السكوت
------
فلازم وانت بتبكى
تنسى انك مظلوم
لانك كنت ظالم
كل يوم
واللى ظلمك دلوقتى
هيتظلم بعدين
انت نسيت
ان كله سلف ودين
انك السبب
فى الخير والشر
فى الحلو والمر
وطالما ربنا خلقك حر
اياك ترضى بذل
او تعيش مهموم
-------
ياغلبان
انت مجرد انسان
من طين وتراب
قلقان .. تعبان
محتاج لأمان
مفقود
موجود
فى قلبك
بس مقفول
بمفتاح منسى
فى قلبها
من زمان
من ايام اللى كانوا
واللى كان
------
مش عارف للحب طريق
والعنوان مش موجود
انت ساكن فى قلب كتير
بس لما تفكر بضمير
تلاقيك ساكن فى
الموت
تفكيرك محدود
صوتك مكبوت
فى الأة بتلاقى نفسك
ونفسك ملهاش وجود
-------
انت ايه ؟
انت سؤال هزلى
وجوابه منسى
مجرد عضم مكسى
بشوية جلود
---------
الشمس بتشرق فى الكون
وتغرب عن عينك
يامجنون
مفيش حاجة بينى وبينك
واللى فى قلبى ليك
ازيك وفينك
وحبة شجون
-----------
عشرين سنة
بتشوف الوهم فى الحقيقة
وبتدور ع الحقيقة فى السراب
عشرين سنة
والروح البريئة
بيزيد فيها الخراب
عشرين سنة
والفرحة مش ليك
وكلمة انا
بتموت فيك
عشرين سنة وأكتر
والحلم بيصغر
والجرح بيكبر
ويكبر
لحد ما بقى أنا
فى عشرين سنة
اللى سبتها فى يوم
تموت
عمرها ما هترجع
تعيش
ولا هتقدر تانى
تنام مرتاح
او مبسوط
لأن القلوب اللى جرحتها
ببرود
بسلبية
بجحود
عمرها ما هتنسى الألم
ولا دور الضحية
هتفتكرك بالشر
فى الكلام
و السكوت
------
فلازم وانت بتبكى
تنسى انك مظلوم
لانك كنت ظالم
كل يوم
واللى ظلمك دلوقتى
هيتظلم بعدين
انت نسيت
ان كله سلف ودين
انك السبب
فى الخير والشر
فى الحلو والمر
وطالما ربنا خلقك حر
اياك ترضى بذل
او تعيش مهموم
-------
ياغلبان
انت مجرد انسان
من طين وتراب
قلقان .. تعبان
محتاج لأمان
مفقود
موجود
فى قلبك
بس مقفول
بمفتاح منسى
فى قلبها
من زمان
من ايام اللى كانوا
واللى كان
------
مش عارف للحب طريق
والعنوان مش موجود
انت ساكن فى قلب كتير
بس لما تفكر بضمير
تلاقيك ساكن فى
الموت
تفكيرك محدود
صوتك مكبوت
فى الأة بتلاقى نفسك
ونفسك ملهاش وجود
-------
انت ايه ؟
انت سؤال هزلى
وجوابه منسى
مجرد عضم مكسى
بشوية جلود
---------
الشمس بتشرق فى الكون
وتغرب عن عينك
يامجنون
مفيش حاجة بينى وبينك
واللى فى قلبى ليك
ازيك وفينك
وحبة شجون
-----------
عشرين سنة
بتشوف الوهم فى الحقيقة
وبتدور ع الحقيقة فى السراب
عشرين سنة
والروح البريئة
بيزيد فيها الخراب
عشرين سنة
والفرحة مش ليك
وكلمة انا
بتموت فيك
عشرين سنة وأكتر
والحلم بيصغر
والجرح بيكبر
ويكبر
لحد ما بقى أنا
فى عشرين سنة
هناك 22 تعليقًا:
جاااااااااااااااامد يا محمد
بجد كلمتها حلوة اوى ومظبوطى
تحياتى ليك
شكرا ديرووووووووو
جميلة جدا جدا
قصايدك العامية كلها تحفة
نهى ... شكرااااااااااا
الحمد لله الناس بدأت تعلق هنا
احمدك يارب
عشرين سنة
بتشوف الوهم فى الحقيقة
وبتدور ع الحقيقة فى السراب
جميلة اوى يامحمد وعجبتنى اوى (مات قبل ان يولد ) فعلا دى حقيقة عايشها معظمنا
جميلة اوي بس عارف أجمل مافيها انك غير متكلف (مش متفزلك)في ألفاظها وبالرغم من انك ملتزمتش بالوزن والقافية الا أن صياغتك للعبارات والالفاظ رائعة جدا...وألف مبروووووووووووك عالمدونة الروعة دي.....ويارب ان شاء الله نشوف اسمك علي غلاف كتاب من تأليفك ربنا يوفقك
سمر ناصر... اشكرك حتى تستغيثى ومات قبل ان يولد بالمناسبة من اول الحاجات اللى كتبتها فى حياتى
و اكتر قصيدة كتبتها وعجبت الناس
بنت دمياط ... انتى بتعلقى للمرة التانية ودى حاجة افخر بيها
بخصوص الكتاب فللأسف لازم اطبعه على حسابى لان محدش هيتحمسلى من دور النشر
ومحتاج بتاع الفي الفين جنيه
تسلفيهملى ؟؟؟
ههههههه
شكرا يا قمر
آه أهو دا الي كنت عاملة حسابو طيب استني عليا بقي أد سنة ولا حاجة وأنا أسلفك....طبعا بهزر معاك دة يعني لو تقبل هزاري....علي فكرة أنا متأكدة انك هتكون انسان عظيم ليه قولتلي ليه لأن مجرد انك تنشر موضوعات وتحط عليها اسمك الحقيقي مع انك عارف انك ممكن تتعرض مثلا للنقد اللاذع....دة كلة يثبت انك شجاع وهتكون ان شاء الله ذو شأن عظيم....ومش هتحتاج حد يساعدك ....ياريت عندي نصف شجاعتك....ربنا يوفقك
والله شكلك بتقول في قرارة نفسك اية البنت الرخمة دي هية كل شوية تكتب تعليق..يااااااااااااه علي تلامتها
تلامت ايه بس يا بنت دمياط والله لسه قارى الردين بتوعك دلوقتى
بصى انا بكتب مواضيع عشان الناس تعلق ولما اشوف تعليقات الناس بفرح اوى
فانتى متتصوريش انا فرحان قد ايه بتعليقاتك دى خصوصا انها بترفع روحى المعنوية جدا
تلاتمت ايه بس تفى من بقك وشكرا لكلامك الروعة انا فعلا بستحمل كتير اوى عشان بكتب بشخصيتى
شكرا اوى يا كبيرة
بجدتحفه وجميله جدا اناكل مره بقرأ قصيده قبل ما اقرأها اقول اكيد هتبقي حلوه بس مش زي الي قبلها الا اني لما بقرأها واكملها للأخر ألاقيهاجميله زيها واجمل منها كمان بجد كلهم كل كلماتهم جميله جدا ومعبره جدا بالتوفيق دايما يا محمد ان شاءالله ومبروك علي المدونه ما شاء الله جميله جدا
انتى اللى جميلة يا اية
شكرا يا قمر
وتبقى اؤؤؤه كبيييييييرة
الحمد لله وصلت
القصيده حلوه جدا
ودى مش حاجه جديده
انت دايما معودنا على كده
فطووووووووطة اخيرا علقتى
شكرااااا والله فرحت لما شفت التعليق
يارب يا فطوطة تبقى دايما متابعة
حلووووووووووووووووة اوي يامحمد بجد رائعة وكل حاجة بتكتبها بتوصلنا بجد لانك بتكتبها باحساس عالي اوي تسلم محمد والي الامام دايما يارب
ياسو هنا كمان
لا ده كتير
شكرا على التعليق الجميل اوى ده وياريت تتابعينى هنا دايما
لانى هصيت الموقع ومعتش هكتب حاجة فى المنتدى قد كده
تحياتى
ازيك يا أديب ياكبير..ممكن أسألك في حاجة حضرتك ليه مش بتجدد موضوعات المدونة يعني ليه مش بتكتب حاجة جديدة..لازم تعرف ان ليك جمهور عريض بيستني كل جديد بتكتبه..وياريت تحطني في مقدمة لائحة الجماهير دي..يالاااااااااا اكتب حاجة جديدة بسرعة..ماشي...سلااااااام يا أديب
معلش أنا آسفة يعني هتئل عليك وهسألك في حاجة تانية معلش...أنا كنت بقرأ موضوعات المدونة تاني دلوقتي ولقيت كأني بقرأها لأول مرة بالذات (أبيع نفسي و ألوان و لاتنحني و أنا مين)اللي بجد لاقيتهم روعة..فكنت عاوزة أسألك هية المواضيع دي لازم بتكون تجارب شخصية ولا ممكن الأديب يكتب حاجة مثلا خاطرة تكون من نسج خيالو ويبتدي يحسها ويصوغها في شكل قصة أو موضوع..طب هوة انتا بتكون حالتك ايه وانتا بتكتب المواضيع دي ..طب بعد ما بتكتبها بتكون سعيد ومرتاح انك ترجمت اللي فقلبك عالورق ..ولا ايه..أرجوك متقولش عليا رغاية بس أنا لما بفكر في حاجة ممكن أموت لو مقولتهاش فيا ريت تستحملني لو لاقيتني بعد كدة بسألك في حاجة تانية أنا مش ليا أخوات أسألهم ياريت تعتبرني زي أختك ..دة يعني لو تسمح
بنت دمياط
اولا اعتبرى نفسك اختى وانى اخوكى
ثانيا .. بخصوص انى احط قصايد جديدة فنا ان شاء الله خلال يوم او يومين هحط مجموعة جديدة بس مش مألفها دلوقتى مألفها من زمان
بالمناسبة القصايد دى احساس بيمتلكنى لدقايق وانا بسرعة بطلعه على ورق يعنى لو حد قالى اكتب دلوقتى حالا قصيدة جديدة مش هعرف طالما الاحساس مش مستحوذ عليا والحالة الشعرية او الالهام مش موجود
لذلك ممكن تلاقينى بكتب فى يوم واحد قصيدتين وممكن اقعد شهرين مكتبش ولا قصيدة وهكذا
ومش شرط الموضوع يكون عن تجربة شخصية - وغالبا - بيكون من نسج خيالى اللى تخيل الحالة وعاش جواها وكتب عنها
وانتى زى ما شايفة كل قصايدى حزينة وفيها شجن بشكل مباشر او غير مباشر
فطبعا ببقى حزين جدا وبطلع الحزن وكمية الطاقة السلبية على ورق عشان اتخلص من الحزن ده فأكيد ببقى سعيد وحاسس براحة غريبة لما اخلص القصيدة و اطلع الحزن والكبت على الورق ودى طريقة حلوة للتخلص من اى انفعال خصوصا انك بتحسى فى الاخر انك تخلصتى من الغضب فى صورة قصيدة الناس بتشيد بيها وبتحبها
فى النهاية عايز اقولك انى سعيد جدا بتعليقاتك دى ويارب تستمرى كده
شكرا
تقبلى تحياتى
ردي جه متاخر للاسف......
قصيده انا بعتبرها مناجاه نفس كل واحد فينا ....
اكتر مقطع حسيته اوي هو المقطوعه الاخيره
يارب تستمر متالق ادبيا علطول
وببقى سعيده اكتر اما بتكتب جديد والله
دمت بخير
ندى مستنى تعليقك من زمان
انا ببقى سعيد اكتر لما الاقى رد فاهم وجميل كده
شكرا ندى
مودتى
إرسال تعليق