انا
حقيقة كل الخيالات
وخيال كل الحقايق
انا
ماشى من غير حسابات
تايه فى المسافات
ناسى الافكار والاوقات
ماشى فى سكة متاهات
مش دارى باللى جاى
وضايع فى اللى فات
بس فى سؤال
مش لاقيله اجابات
هو انا فعلا حى
ولا ميت م الاموات
---------------------
انا ماشى من غير حسابات
طاير م الفرح
الحزن ملوش عندى مكان
والجرح لما طرح
شجرة احزان
بطلت احاول
مع الزمان
وعشان كده
ماشى من غير أبعاد
وقدرت انسى حنان
واحب وداد
----------------------
انا
بطلت افكر
او حتى اجرب
مهو لما فكرت
لقتنى بخرب
كام مرة بعدت
لما كنت بقرب
يا قلبى الحزين
يا حلمى المتغرب
ليه كل اما ادور ع الامل
يجرى منى ..
ويتهرب
----------------------
أنا
ماشى من غير اسرار
من غير قضبان
او اسوار
مليش ضمان
او امان
او حتى روشتة ...
ولما اتحرقت الجاكتة
كنت فرحان
بس منهار
لانى لابس
من غير هدوم
ولما نسيت الهموم
حسيت بانهيار
------------------
انا
عايش من غير حبيب
من غير صاحب او قريب
كم حبيبة خانتنى
وكم صاحب فى وقت الشدة
عمل نفسه غريب
والعجيب
انى دايما بضحك
ع المصايب
ع الحبيبة الخاينة
والصديق الخايب
انا قررت اعيش لوحدى
من غير اعداء
او حبايب
وهشطب اسمى من العيلة
وهنسى الاهل
والقرايب
انا عايش معاكو .. ايوة
بس ياريت تعتبرونى
غايب
------------------------
انا
لما جيت اغنى
غنيت على موالى
وحكيت حكايتى
لحالى
انا لما اسكت
بحكى
ولما اضحك
ببكى
قلت للدكتور
انا مالى ؟
قالى لازم تغير الموتور
وتشترى روح جديدة
لان اللى عندك
بقت ديكور
او .. حتة حديدة
--------------------
انا مهما كبرت صغير
ومهما صغرت كبير
اشرف واحد فى الدنيا
و معنديش اى ضمير
مش عارف امشى
بس قادر اطير
فاهم نفسى كويس
بس .. مليش تفسير
-------------------
أنا بيت مهجور
أنا شراع مكسور
حبيت اخطف حتة
من الفرح
انضربت فى الزحمة
ورجعت مقهور
بس عمرى ماكنت حزين
او فرحان
ولا نمت يوم زعلان
او منصور
----------------------
تعرف
انا زمان منسى
بس منسى فى الزمان
انا امان مفقود
بس فاقد للامان
حبيبتى لما اموت
امانة تزورينى
وتكتبى .. هنا موجود
بقايا انسان
-------------------
انا أهــــة عناء
فى كل القلوب المسكينة
انا اهداء
كل الاغانى الحزينة
انتهاء
لتاريخ الصلاحية
محامى فاشل
عمره ماكسب قضية
انا منسى فى حكاية
و حكاية منسية
ولما جيت أبتدى
كانت البداية منتهية
واما اجيت ابص ف عنيها
لقتها بتهرب من عنيا
-------------------
انا
مليش عنوان
او احباب
عايز تجينى
هتلاقينى فى كل جرح
ساكن فى اى عذاب
بابى مقفول ف وش الفرح
وقدام الحزن مفيش ابواب
صدقينى
برغم كل حاجة
قلبى مليان شجن
وحنين
ولما ضحكلى الزمن
كشرت فى وشى
السنين
عطشان فى نهر الم
غرقان فى بحر انين
عارفة
كل اللى بتمناه
انى الاقى حد يتحب
وامشى فى نور الله
وأدعى واقول يا معين
--------------------------
هو انا رايح
بس مش عارف .. فين
وجاى
بس ياترى .. منين
بصى
انا لسه بصدقك
وعشان كده بسألك
هو أنا
مين
حقيقة كل الخيالات
وخيال كل الحقايق
انا
ماشى من غير حسابات
تايه فى المسافات
ناسى الافكار والاوقات
ماشى فى سكة متاهات
مش دارى باللى جاى
وضايع فى اللى فات
بس فى سؤال
مش لاقيله اجابات
هو انا فعلا حى
ولا ميت م الاموات
---------------------
انا ماشى من غير حسابات
طاير م الفرح
الحزن ملوش عندى مكان
والجرح لما طرح
شجرة احزان
بطلت احاول
مع الزمان
وعشان كده
ماشى من غير أبعاد
وقدرت انسى حنان
واحب وداد
----------------------
انا
بطلت افكر
او حتى اجرب
مهو لما فكرت
لقتنى بخرب
كام مرة بعدت
لما كنت بقرب
يا قلبى الحزين
يا حلمى المتغرب
ليه كل اما ادور ع الامل
يجرى منى ..
ويتهرب
----------------------
أنا
ماشى من غير اسرار
من غير قضبان
او اسوار
مليش ضمان
او امان
او حتى روشتة ...
ولما اتحرقت الجاكتة
كنت فرحان
بس منهار
لانى لابس
من غير هدوم
ولما نسيت الهموم
حسيت بانهيار
------------------
انا
عايش من غير حبيب
من غير صاحب او قريب
كم حبيبة خانتنى
وكم صاحب فى وقت الشدة
عمل نفسه غريب
والعجيب
انى دايما بضحك
ع المصايب
ع الحبيبة الخاينة
والصديق الخايب
انا قررت اعيش لوحدى
من غير اعداء
او حبايب
وهشطب اسمى من العيلة
وهنسى الاهل
والقرايب
انا عايش معاكو .. ايوة
بس ياريت تعتبرونى
غايب
------------------------
انا
لما جيت اغنى
غنيت على موالى
وحكيت حكايتى
لحالى
انا لما اسكت
بحكى
ولما اضحك
ببكى
قلت للدكتور
انا مالى ؟
قالى لازم تغير الموتور
وتشترى روح جديدة
لان اللى عندك
بقت ديكور
او .. حتة حديدة
--------------------
انا مهما كبرت صغير
ومهما صغرت كبير
اشرف واحد فى الدنيا
و معنديش اى ضمير
مش عارف امشى
بس قادر اطير
فاهم نفسى كويس
بس .. مليش تفسير
-------------------
أنا بيت مهجور
أنا شراع مكسور
حبيت اخطف حتة
من الفرح
انضربت فى الزحمة
ورجعت مقهور
بس عمرى ماكنت حزين
او فرحان
ولا نمت يوم زعلان
او منصور
----------------------
تعرف
انا زمان منسى
بس منسى فى الزمان
انا امان مفقود
بس فاقد للامان
حبيبتى لما اموت
امانة تزورينى
وتكتبى .. هنا موجود
بقايا انسان
-------------------
انا أهــــة عناء
فى كل القلوب المسكينة
انا اهداء
كل الاغانى الحزينة
انتهاء
لتاريخ الصلاحية
محامى فاشل
عمره ماكسب قضية
انا منسى فى حكاية
و حكاية منسية
ولما جيت أبتدى
كانت البداية منتهية
واما اجيت ابص ف عنيها
لقتها بتهرب من عنيا
-------------------
انا
مليش عنوان
او احباب
عايز تجينى
هتلاقينى فى كل جرح
ساكن فى اى عذاب
بابى مقفول ف وش الفرح
وقدام الحزن مفيش ابواب
صدقينى
برغم كل حاجة
قلبى مليان شجن
وحنين
ولما ضحكلى الزمن
كشرت فى وشى
السنين
عطشان فى نهر الم
غرقان فى بحر انين
عارفة
كل اللى بتمناه
انى الاقى حد يتحب
وامشى فى نور الله
وأدعى واقول يا معين
--------------------------
هو انا رايح
بس مش عارف .. فين
وجاى
بس ياترى .. منين
بصى
انا لسه بصدقك
وعشان كده بسألك
هو أنا
مين
هناك 3 تعليقات:
جميله جميله بلا شك والله
وانا شايفه انك فيها بتمس قلوبنا وجروحنا اللي فيها
انت معبر عن قلوبنا والله في كل كتاباتك
واللي عجبني وشدني كمان استخدامك للكلمات وتعكسها ف نفس الوقت زي
(انا مهما كبرت صغير
ومهما صغرت كبير
انا زمان منسى
بس منسى فى الزمان)
دي نفسها تعتبر حركه جديده ف الكتابه وكمان بتجذب القارئ
وده الجزء اللي عاجبني
انا
مليش عنوان
او احباب
عايز تجينى
هتلاقينى فى كل جرح
ساكن فى اى عذاب
بابى مقفول ف وش الفرح
وقدام الحزن مفيش ابواب
صدقينى
برغم كل حاجة
قلبى مليان شجن
وحنين
ولما ضحكلى الزمن
كشرت فى وشى
السنين
عطشان فى نهر الم
غرقان فى بحر انين
عارفة
كل اللى بتمناه
انى الاقى حد يتحب
وامشى فى نور الله
وأدعى واقول يا معين
ليك مني كل التحيه
دمت متالقا
انا كمان عاجبنى التضاد اللى موجود..فعلا حلوة اوى اوى..اوى
دي لمان روعة يامحمد بس دي مش أول مرة أشوفها أول مرث سمعتها منك في الحفلة وأنت قولتها بأسلوب جميل جدآ وأنا مع التعلقين اللي قبلي في موضوع التضاد فعلآ عاجبني جدآ وبالخصوص مقطع
" أنا مهما كبرت صغرت ومهما صغرت كبرت " عجبتني جدآ
مغلش أنا عارفة أني قرفاك في كل موضوع بتلاقي تعليق لكن مغلش غصب عني الكلام هو اللي بيشدني أقرأه وبعد القراءة بلاقي أن نفسي أعلق علي الكلام الجميل اللي بقرأه بحاول ألاقي للام جميل زيه علشان يوفيه حقه بس للأسف مش بلاقي ربنا 7وفقك يامحمد
سمااااااام أنا عارفة أني فعلآ صدعتك يامحمد بس أشرب مج شاي وأنت هترتاح
ههههههه
إرسال تعليق